Ўзбекистон Республикасининг болалар соғломлаштириш оромгоҳлари

“ASAKA” болаларни соғломлаштириш ва дам олиш оромгоҳи 7-14 ёшли  болаларни соғломлаштириш оромгоҳи бўлиб, Асака шаҳридан 8 километр узоқликда Ниёзботир қишлоғининг улкан ва қалин манзарали дарахтлар билан тўлдирилган  Ўрмон хўжалиги  ҳудудида  жойлашган, сулим ҳавоси билан ажралиб турадиган дам олиш  масканидир.

Турар жойлар 8-10 кишилик шинам хоналардан иборат.

Кунига 5 маҳал иссиқ, мазали ва витаминларга бой фойдали таом ва салатлар таклиф этилади.

Ҳудудда хавфсизлик таъминланган бўлиб Ички ишлар, Миллий гвардия ва Фавқулодда вазиятлар вазирлиги ходимлари болаларни хавфсизлигини учун навбатчилик қилишади.

Ҳар куни тажрибали етакчи ва тарбиячилар томонидан болалар учун турли қизиқарли машғулот ва маҳорат дарслари ўтказилиб борилади.

Спорт ихлосмандлари  бизнинг спорт майдончаларимизда теннис, волейбол, баскетбол, футбол билан шуғулланишлари мумкин. Пиёда юриш учун сўлим ва салқин оромгоҳ ҳудуди жуда қулай.

Дам олувчиларнинг ихтиёрида концерт зали, кутубхона, бассейн ва дам олиш жойлари мавжуд.

Ҳар куни оромгоҳда болалар  иштирокида дискотека ва кўнгил очар шоулар махсус дастур асосида тайёрланади.

 Сизни “ASAKA” болалар оромгоҳида ёзги саргузаштлар маконида кутамиз! Сменалар
1-июндан 31-августгача 12 кунлик дастур асосида ташкиллаштирилади. Биз болажонларни оромгоҳимизда кўришдан бағоят мамнунмиз!