Бизнинг тизимда ота-оналар болалар оромгоҳларига йўлланмаларни давлат компенсацияси асосида харид қилишлари мумкин. Бу компенсация йўлланмалар нархини анча арзонлаштиради ва болалар учун дам олиш ва соғломлаштиришни янада оммабоп қилади.

Чегирма ким хисобидан берилади?

Йўлланмалар учун чегирма давлат субсидиялари ҳисобида берилади. Бу субсидиялар болаларнинг дам олиши ва соғломлаштиришини қўллаб-қувватлаш мақсадида ажратилади. Йўлланмага бериладиган компенсация миқдори Ўзбекистон Республикаси Президентининг Қарори асосида амалга оширилади.

Чегирманинг миқдори қанча?

Чегирма йўлланмаланинг тўлиқ нархининг 50% гача берилади. Масалан, агар йўлланма нархи 1,600,000 сўм бўлса, компенсациядан кейин у 800,000 сўмгача айланиши мумкин. Бу орқали ота-оналар давлат кўмаги туфайли катта миқдорда маблағ тежашлари мумкин.

Компенсацияни қандай олиш мумкин?

Компенсацияни олиш учун алоҳида ариза топшириш шарт эмас. Агар йўлланма нархи давлат компенсацияси асосида бўлса, бу ҳақда оромгох маълумот саҳифасида кўрсатилади. Нарх автоматик тарзда камайтирилган ҳолда кўрсатилади.

oromgohlar.uz тизими ота-оналар учун йўлланмаларни харид қилиш жараёнини осон ва қулай қилиш учун яратилган. Биз болаларнинг дам олиши ва соғломлаштиришни ташкил қилишда сифатли хизматни кўрсатишга интиламиз ва ҳар бир босқичда сизга ёрдам беришга тайёрмиз!

Давлат компенсацияси ва йўлланмаларни расмийлаштириш бўйича қўшимча маълумот учун Кўп сўраладиган саволлар бўлимига мурожаат қилинг.