Махфийлик

Болаларнинг дам олишини ва соғломлаштирилишини ташкил этиш департаменти (кейинги ўринларда “Департамент”) мижозларнинг шахсий маълумотларини ҳимоя қилишга жиддий эътибор беради ва уларнинг хавфсизлигини таъминлаш учун барча зарур чораларни кўради. Cиз тақдим этган маълумотларнинг махфийлигини ва улардан фақат болаларнинг дам олиши ва соғломлаштирилишини ташкил этиш мақсадида фойдаланишни кафолатлайди.

Барча шахсий маълумотлар, шу жумладан алоқа маълумотлари, ҳужжатлар, болалар соғлиғи ҳақидаги маълумотлар замонавий шифрлаш технологияларидан фойдаланган ҳолда хавфсиз серверларда сақланади. Махфий маълумотлар билан ишлаш бўйича махсус тайёргарликдан ўтган ходимлар уларни кўриш ҳуқуқига эга.

Биз шахсий маълумотларни учинчи шахсларга ўтказмаймиз, шартнома мажбуриятларини бажариш зарур бўлган ҳолатлар бундан мустасно (йўлланмаларни бронь қилиш, тиббий суғуртани расмийлаштириш ва бошқа ҳолларда).

Шахсий маълумотларга рухсатсиз кириш, ўчириб ташлаш ёки ўзгартириш киритишнинг олдини олиш учун веб-дастуримиз замон талабига мувофиқ хавфсизлик протоколларидан фойдаланади.

Шахсий маълумотларингизни қайта ишлаш бўйича саволларингиз бўлса ёки маълумотлардан фойдаланмоқчи бўлсангиз, BSO_Departament@exat.uz манзили орқали маълумотларни ҳимоя қилиш бўйича мутахассисимизга мурожаат қилишингиз мумкин.

Шундай қилиб, биз шахсий маълумотларни ҳимоя қилиш соҳасидаги барча қонуний талабларга риоя қилиш орқали мижозларимизни ҳимоя қиламиз.

Департамент ушбу махфийликни исталган вақтда олдиндан огоҳлантирмасдан ўзгартириш ҳуқуқини ўзида сақлаб қолади. Бундай ўзгартиришлар шахсий маълумотларни ҳимоя қилиш соҳасидаги қонунчиликни янгилаш, янги технологияларни ишлаб чиқиш, ички жараёнларни оптималлаштириш ва бошқа сабабларга кўра талаб қилиниши мумкин.

Махфийликнинг жорий версияси билан танишиш учун ушбу бўлимни мунтазам равишда кўриб чиқишингизни тавсия қиламиз. Ўзгартиришлар киритилгандан сўнг бўлим хизматларидан фойдаланишингиз янгиланган махфийлик сиёсатини қабул қилганингизни билдиради.

Шахсий маълумотларингизни қайта ишлашга таъсир қиладиган жиддий ўзгаришлар юз берган тақдирда, биз бу ҳақда сизга энг қулай усулда (электрон почта орқали, веб-сайтга маълумот жойлаштириш ва ҳ.к.) хабар берамиз.

Сизнинг ишончингиз биз учун жуда муҳим, шунинг учун биз ҳар доим имкон қадар шаффоф ва шахсий маълумотларни ҳимоя қилиш соҳасида амалдаги қонунчилик доирасида ҳаракат қилишга интиламиз.

 

Зарур бўлган маълумотлар:

Мижозларнинг шахсий маълумотларини тўплаш ва улардан фойдаланиш (тўлиқ Ф.И.Ш, тел рақами, ота-онанинг паспорти, боланинг туғилганлиги тўғрисида маълумотлари ва бошқалар) фақат йўлланмаларни бронь қилиш ва ташкил қилиш учун амалга оширилади.

Болалар оромгоҳларига йўлланмаларни бронь қилиш ва таътилни ташкил қилиш учун сиз қуйидаги шахсий маълумотларни тақдим этишингиз керак:

Боланинг ва унинг қонуний вакилининг фамилияси, исми, отасининг исми

Боланинг туғилган санаси ва фуқаролиги

Алоқа маълумотлари (манзил, телефон, электрон почта)

Шахсни тасдиқловчи ҳужжатлар реквизитлари (қонуний вакилнинг паспорт маълумотлари ва боланинг туғилганлик ҳақидаги гувоҳномаси)

Боланинг соғлиғи ҳақида

Биз кўрсатилган шахсий маълумотларни фақат қуйидаги мақсадларда йиғамиз ва кўриб чиқамиз:

Болалар оромгоҳига йўлланмани расмийлаштириш ва рўйхатдан ўтказиш

Боланинг келиши учун зарур ҳужжатларни тайёрлаш

Трансфер ва жойлаштириш

Дам олиш вақтида хавфсизлик ва тиббий ёрдамни таъминлаш

Болаларнинг дам олишини ташкил этиш бўйича шартномани бажариш билан бевосита боғлиқ бўлган бошқа ҳаракатларни амалга ошириш

Шахсий маълумотларни қайта ишлаш фақат белгиланган мақсадларга эришиш учун зарур бўлган минимал маълумотлар билан чекланади.

 

Хизмат кўрсатиш мақсадида шахсий маълумотлардан фойдаланиш

Йўлланмаларни бронь қилишда шахсий маълумотларингизни ва фарзандингиз ҳақидаги маълумотларни тақдим этиш орқали сиз болаларнинг дам олишини ва соғломлаштирилишини ташкил этиш бўйича шартномани бажарилиши учун Департамент томонидан уларни қайта ишлашга розилик билдирасиз.

Биз тўпланган шахсий маълумотлардан фақат болалар билан боғлиқ бўлган йўлланмаларни бронь қилиш, турар жой, трансфер ва бошқа хизматларни тақдим этиш учун ишлатилишини кафолатлаймиз. Биз ушбу маълумотларни бошқа мақсадларда қайта ишламаймиз.

Тақдим этилган шахсий маълумотлардан фақат болаларнинг дам олишини ташкил этиш жараёнига жалб қилинган Департаментнинг ваколатли ходимларигина фойдаланишлари мумкин. Уларни сизнинг розилигингизсиз ошкор қилиш ёки учинчи шахсларга бериш тақиқланади, қонунда назарда тутилган ҳоллар бундан мустасно.

Агар сиз шахсий маълумотларни қайта ишлашга розилик бермасангиз, биз болаларни дам олишини ва соғломлаштирилишини ташкил қилиш бўйича хизматларни кўрсата олмаймиз, чунки бу маълумотлар шартномани бажариш учун зарурдир.

Агар шартнома муддати давомида шахсий маълумотларни қайта ишлашга розилигингизни қайтариб олсангиз, биз хизматлар кўрсатишни тўхтатишга мажбур бўламиз.

Шундай қилиб, шахсий маълумотларни тақдим этиш орқали сиз ундан фақат болаларни дам олишини ва соғломлаштирилишини ташкил этиш бўйича шартномани бажариш доирасида Департамент томонидан фойдаланишга розилик билдирасиз.

 

Шахсий маълумотларни учинчи шахсларга ўтказиш

Департамент қуйидаги ҳолларда сиз тақдим этган шахсий маълумотларни учинчи шахсларга ўтказиш ҳуқуқига эга:

Ўзбекистон Республикаси қонун ҳужжатларида назарда тутилган ҳолларда ваколатли давлат органларининг, масалан, ҳуқуқни муҳофаза қилиш, суд ва бошқа органларнинг кўрсатмасига биноан.

Сизнинг ёзма розилигингиз билан.

Агар Департамент томонидан болаларни дам олишини ва соғломлаштирилишини ташкил этиш доирасида уларга хизматлар кўрсатиш учун учинчи шахсларни жалб қилса. Бунда, учинчи шахслар шахсий маълумотларнинг махфийлиги ва ҳимоясини таъминлаш бўйича белгиланган талабларга риоя қилишлари шарт.

Департамент мижозларнинг шахсий маълумотларини субъектларга ёки уларнинг қонуний вакилларининг махсус розилигисиз учинчи шахсларга ўтказмайди.

Ушбу бандда Департамент шахсий маълумотларни учинчи шахсларга бериш ҳуқуқига эга бўлган қоидалар - шартномани бажариш учун  фақат расмий сўровлар бўйича, маълумотлар субъектларининг розилиги билан ёки махфийлик талабларини ҳисобга олган ҳолда амалга оширади.

 Ташқи ресурслардан фойдаланиш

Бизнинг веб-сайтимизда ва бошқа ахборот материалларида Департаментга тегишли бўлмаган ёки бошқарилмайдиган ташқи манбаларга ҳаволалар бўлиши мумкин. Биз учинчи томон манбаларининг махфийлиги ёки мазмуни учун жавобгар эмасмиз.

Ушбу ҳаволалар фақат сизнинг қулайлигингиз учун тақдим этилган. Агар сиз бошқа веб-сайтлар ёки иловаларга ҳаволалардан фойдаланишни танласангиз, уларнинг шахсий махфийлик сиёсатларини кўриб чиқишингиз керак. Биз бошқа веб-сайтлар ва ахборот ресурслари эгаларининг хатти-ҳаракатларини назорат қилмаймиз ва жавобгарликни ўз зиммамизга олмаймиз.

 

Шахсий маълумотларни сақлаш муддатлари

Департамент тақдим этилган шахсий маълумотларни Ўзбекистон Республикаси қонунчилигида белгиланган муддатларда сақлаш мажбуриятини олади.

Ўзбекистон Республикасининг 2019 йил 2 июлдаги “Шахсга доир маълумотлар тўғрисида”ги ЎРҚ-547-сонли Қонунига мувофиқ, шахсий маълумотларни сақлаш муддатлари уларни қайта ишлаш, шунингдек шартнома мажбуриятларини бажариш мақсадларига эришиш учун қонун ҳужжатларида назарда тутилган муддатлардан кам бўлиши мумкин эмас.

Белгиланган муддатлар ўтганидан кейин шахсий маълумотлар, агар уларни кейинчалик сақлаш учун бошқа қонуний асослар мавжуд бўлмаса, йўқ қилиниши лозим.

Аниқ сақлаш муддатлари Департамент томонидан қуйидагилар ҳисобга олинган ҳолда белгиланади:

• солиққа тортиш ва бухгалтерия ҳисоби бўйича қонуний талаблар;

• даъволар ва низоларни ҳал қилиш учун эҳтиёж мавжуд бўлганда.

Умумий қоидага кўра, Департамент мижозларнинг шахсий маълумотларини, агар қонун ҳужжатларида узоқроқ муддат назарда тутилмаган бўлса, шартнома муддати тугаганидан кейин 5 йил давомида сақлайди.

Департамент сўров бўйича ахборотни ваколатли давлат ва ҳуқуқни муҳофаза қилувчи органларга ўтказиш ҳуқуқига эга.

 

Шикоят ва даъволарни бериш тартиби

Агар шахсий маълумотларингизни Департамент томонидан қайта ишлаш бўйича саволларингиз ёки шикоятларингиз бўлса, уларни масъул ходимга BSO_Departament@exat.uz  электрон манзил орқали юборишингиз мумкин.

 

Шахсий маълумотлардан маркетинг мақсадларида фойдаланиш

Департаментга тақдим этган шахсий маълумотларингиздан, масалан, исмингиз, алоқа маълумотларингиз ва бошқа маълумотлардан бевосита маркетинг алоқалари ва мақсадли рекламаларни амалга ошириш, болаларнинг дам олишини ва соғломлаштирилиши хизматлари ҳамда тегишли акция ва таклифлар ҳақида хабардор қилиш мақсадида фойдаланилиши мумкин.

Маркетинг жўнатмалари турли хил алоқа каналлари, жумладан электрон почта, СМС хабарлар, мессенжерлар ва ижтимоий тармоқлар орқали амалга оширилиши мумкин. Эълонлар сизнинг қизиқишларингиз ва афзалликларингиз асосида веб-сайтлар, мобил иловалар орқали  ҳамда онлайн  кўрсатилиши мумкин.

Агар сиз маркетинг маълумотларини олишни хоҳламасангиз, исталган вақтда бундай хабарларга обунани бекор қилишингиз мумкин. Бунинг учун BSO_Departament@exat.uz электрон манзилига ёки +998(71)252-10-05 телефон рақамига тегишли йўриқномани юбориш орқали бизга хабар бериш кифоя.

Шу билан бир қаторда, кўпгина маркетинг коммуникациялари бир марта босиш орқали келажакдаги алоқаларга обунани бекор қилиш имконини берувчи ўчириш хизматини ўз ичига олади.

Сизнинг маркетинг коммуникациялари олишдан бош тортишингиз болаларнинг дам олишини ва соғломлаштирилишини ташкил этиш бўйича хизматлар кўрсатиш шартномасининг бажарилишига ҳеч қандай таъсир кўрсатмайди.

 

Ҳуқуқий тартибга солиш

Департаментда шахсий маълумотларга ишлов бериш Ўзбекистон Республикасининг қуйидаги норматив-ҳуқуқий ҳужжатлари талаблари асосида амалга оширилади:

Ўзбекистон Республикасининг 2019-йил 2-июлдаги ЎРҚ-547-сон “Шахсга доир маълумотлар тўғрисида”ги Қонуни.

Ўзбекистон Республикасининг 2003 йил 11 декабрдаги 560-II-сон “Ахборотлаштириш тўғрисида”ги Қонуни

• Ўзбекистон Республикаси Вазирлар Маҳкамасининг 2019 йил 21 октябрдаги “Интернет жаҳон ахборот тармоғида миллий контентни ривожлантиришга доир қўшимча чора-тадбирлар тўғрисида ”ги 888-сон қарори.

Ўзбекистон Республикаси Адлия вазирининг 2023 йил 15 ноябрдаги “Шахсга доир маълумотларга ишлов беришнинг намунавий тартибини тасдиқлаш ҳақида ”ги буйруғи 3478-сон билан рўйхатга олинган.

 Мавжуд меъёрий ҳужжатларга ўзгартиришлар киритилган ёки шахсий маълумотларни қайта ишлаш ва ҳимоя қилишни тартибга солувчи янги қонун ҳужжатлари қабул қилинган тақдирда, Департамент ушбу Махфийликни қайта кўриб чиқиш ва ўзгартириш ҳуқуқини ўзида сақлаб қолади.