Ўзбекистон Республикасининг болалар соғломлаштириш оромгоҳлари

“BOG‘ISHAMOL” БСО  7 ёшдан 14 ёшгача болалар учун ёзги дам олиши ва соғломлаштириш оромгоҳи, Андижон шаҳридан 10 км узоқликда қир адир ва  сойлар орасида экологик тоза ҳудудда жойлашган. Ҳудудда манзарали дарахтлар, кўп йиллик йирик оқ бақа тераклар орасида 7,5 гектар майдон фарзандларимизнинг дам олиши учун қулай муҳит яратади.

Ётоқҳоналарни биноларида ички санузеллар мавжуд. Ошхонада болаларга 5 маҳал овқат берилади. Қондиционерлар ва қўшимча вентиляторлар  ўрнатилган бўлиб, улар ёрдамида хона ҳарорати ушлаб турилади, бу эса болаларни хотиржам овқатланишига шароит яратади. Ҳудудда хавфсизликни таъминлаш учун 8 та видео кузатиш мосламалари ўрнатилган, ҳудудий Ички ишлар, Миллий  гвардия ва Фавқулотда вазиятлар ҳодимлари туну-кун болаларнинг хотиржам хавфсизлигини таъминлашади.

Ҳар куни тажрибали ҳодимлар яъни Бош тарбияи бошчилигида ёрдамчи тарбиячи, етакчи ва тарбиячилар фарзандларимиз учун турли ҳил кўнгил очар дастурлар, маъданий-маърифий ва спорт тадбирлари, Миллий гвардияга қарашли Чавандозлар мактаби, спортчи ва санъат машхурлари, уруш қатнашчилари, ватанпарвар ташкилоти, Ёшлар ишлар агентлиги, маданият бўлимлари иштирокида тадбирлар ўтказилади. Спорт ихлосмандларига мини футбол, баскетбол, волейбол майдонлари, стол теннислар, шахмат-шашка ўйинлари билан шуғулланишлари мумкин.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида гуруҳлар ўртасида мусобақалар, маданий-маърифий тадбирлар (дискотека, мульт ва кино томошалар, кўрик танловлар ва кўнгилочар шоулар)дан иборат махсус дастурлар тайёрланади.