Ўзбекистон Республикасининг болалар соғломлаштириш оромгоҳлари

"QUYOSHCHA" болалар соғломлаштириш оромгоҳи мактабнинг бошланғич ва ўрта синф ўқувчилари дам олиш маскани бўлиб, Бўстон туманидаги 145 гектарли Бўз ўрмон хўжалиги бўлими ҳудудида жойлашган, яъни Андижон вилоятида энг йирик ўрмон хўжалиги бўлими атрофида жойлашган бўлиб, ўз микроиқлимига эга. Оромгоҳда хар куни енгил шаббода эсиб туради. Тоза ҳоволи ерларда 50 йиллик тариҳга эга чинорлар, кўк тераклар ва ўрикзорлар бўлгани сабаб, оромгоҳнинг аксарият қисми соя-салқинликларни ташкил этади.

Турар жойларимиз барча қулайликларга эга. Ошхонамизда кунига 5 маҳал овқат берилади. Ҳудудда хавфсизликни таъминлаш учун видеокузатув тизимлари ўрнатилган ва Ички ишлар вазирлиги, Миллий гвардия ва Фавқулотта вазият вазирлиги ҳодимлари туну-кун болалар хавфсизлиги учун навбатчилик қилишади.

Кунлик режа асосида тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар. Болажонлар турли ҳил тўгаракларимизга аъзо бўлишиб рассомчилик, каштачилик санъатига эга бўлишлари, мохир қўллар тўгарагида эса қўл меҳнати билан ўйинчоқлар  яратилиши мумкин бўлади.  Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин. Дам олувчиларнинг ихтиёридаги саҳнамизда  концертлар ва спектакллар сахналаштириш, ўйин ва спорт майдончалари мириқиб ўйнаш, ёзги кинотеатримизда кино ва мультфилмлар кўришлари, кутубхонамизда қизиқарли китоблар ўқишлари, бассейнда мазза қилиб чўмилишлари мумкин бўлади. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Сизни "QUYOSHCHA" оромгоҳида ёзги саргузаштда кутамиз! Сменалар 1 июндан 31 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз!