Ўзбекистон Республикасининг болалар соғломлаштириш оромгоҳлари

Жалақудуқ туманидаги "OQBULOQ" болалар соғломлаштириш  оромгоҳи 7-14 ёшли болалар учун, туман марказидан  15 км узоқликда, адирликлар этагидаги экологик тоза ҳудудда жойлашган.  Кўп асрлик чинор, қайрағоч, бақатерак ва нина баргли арчалар билан тўлдирилган. Шу билан бир қаторда оромгох худудида 2 га ер майдонида гилос, олма, ўриқ, шафтоли, олхўри ва шунга ўхшаш мевали дарахтлардан ташкил топган болалар учун махсус боғ барпо этилган. Ушбу боғда пишиб етилган мевалардан дам олувчи болалар учун ҳар куни табиий шарбатлар тайёрланиб, дам олувчи болалар учун берилади.

            Дам олиш бинолари барча қулайликларга эга,  20 кишилик шинам очиқ айвон шаклидан иборат. Овқатланиш хонасида кунига 5 махал махоратли ошпазлар ёрдамида мазали ва фойдали таомлар таклиф этилади. Оромгоҳ ҳудуди хавфсизлигини таъминлаш мақсадида  видеокузатув тизимлари ўрнатилган. Оромгоҳ ҳудуди шу билан бир қаторда  Ички ишлар вазирлиги, Миллий гвардия ва Фавқулотта вазият вазирлиги ҳодимлари туну-кун болалар хавфсизлиги учун навбатчилик қилишади.

Оромгохда дам олувчи болалар учун хар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, робототехника, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Сизни Жалақудуқ туманидаги  "OQBULOQ" болалар соғломлаштириш оромгоҳида ёзги саргузаштда кутамиз! Сменалар 1 июндан 31 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз!