Ўзбекистон Республикасининг болалар соғломлаштириш оромгоҳлари

«SHIFOKOR» болалар соғломлаштириш оромгоҳи 7-14 ёшли болалар учун ёзги соғломлаштириш оромгоҳи бўлиб, Андижон шаҳридан 22 км узоқликда ва Булоқбоши туманидаги Ширмонбулоқ дам олиш масканлари атрофида ҳамда тоғлар ён бағридаги экологик тоза ҳудудда жойлашган. Кўп асрлик чинорлар ва ўзидан нафас йўллари учун тоза кислородларга бой арчалар билан тўлдирилган 9.2 гектар майдон ажойиб дам олиш учун қулай муҳит яратади.

Турар жойлар қулайликларга эга, оромгоҳда болажонлар учун 6 та ётоқхона биноси мавжуд бўлиб, бинолар 40 нафар ва 50 нафар кишилик шинам хоналардан иборат. Овқатланиш хонасида кунига 5 маҳал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ва Ички ишлар вазирлиги, Миллий гвардия ва Фавқулодда вазиятлар вазирлиги ходимлари туну кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, шахмат-шашка, бандминтон ва футбол билан шуғулланишлари мумкин.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатр, кутубхона, бассейн ва дам олиш хоналари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар ташкил этиладии.

Сизни «SHIFOKOR» болалар соғломлаштириш оромгоҳида ёзги саргузаштда кутамиз! Сменалар 1 июндан 31 августгача бўлган  оралиқда 12 кунлик дастур асосида ташкил этилади. Биз болажонларни оромгоҳимизда кутамиз!