Ўзбекистон Республикасининг болалар соғломлаштириш оромгоҳлари

“ISHONCH”  оромгоҳи 7-14 ёшли болалар учун ёзги соғломлаштириш оромгоҳи бўлиб, Навоий шаҳридан  атиги 15 км узоқликда, хушманзара, 500 дан зиёд мевали ва манзарали дарахтларга эга экологик тоза ҳудудда жойлашган. Кўп асрлик чинорлар билан тўлдирилган 3 гектар майдон ажойиб дам олиш учун қулай муҳит яратади.

Турар жойлар қулайликларга эга, 8 киши ётоғига мўлжалланган хоналарда мебель кроват ва юмшоқ замонавий матраслар билан таъминланган. Овқатланиш хонасида кунига 5 маҳал мазали ва фойдали таомлар таклиф этилади. Ушбу таомларни эса юқори малакали қўли ширин ошпазлар жамоаси пиширишади. Ҳудудда хавфсизликни таъминлаш учун видео кузатув тизимлари ўрнатилган ва вилоят Ички ишлар, Миллий гвардия, ва вилоят Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, робот-техника, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин

Дам олувчиларнинг ихтиёрида концертлар ва спектакллар, қўғирчоқ театри, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Сизни “ISHONCH” оромгоҳида ёзги саргузаштда кутамиз! Сменалар 1 июндан 31 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз