Ўзбекистон Республикасининг болалар соғломлаштириш оромгоҳлари

“OQ KEMA” болаларни соғломлаштириш оромгоҳи 7-14 ёшли болалар учун ёзги соғломлаштириш оромгоҳи бўлиб, Мўйноқ тумани марказидан 18 км узоқликда, экологик тоза ҳудудда жойлашган. Арчалар билан тўлдирилган 12,7 гектар майдон ажойиб дам олиш учун қулай муҳит яратади.

Турар жойлар қулайликларга эга, 6-8 кишилик шинам хоналардан иборат. Овқатланиш хонасида кунига 5 маҳал бир биридан мазали ва фойдали таомлар таклиф этилади. Ҳудудда хавфсизликни таъминлаш учун видео-кузатув тизимлари ўрнатилган ва Ички ишлар, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, қўл санъатлари ва бошқалар. Спорт ишқибозлари бизнинг спорт майдончаларимизда теннис, волейбол, баскетбол, футбол билан шуғулланишлари учун барча имкониятлар мавжуд.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, турли танловлар ва кўнгилочар шоулардан иборат махсус дастурлар тайёрланади.

Сизни “OQ KEMA” болаларни соғломлаштириш оромгоҳида ёзги саргузаштда кутамиз! Сменалар 10 июндан 31 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз!