Ўзбекистон Республикасининг болалар соғломлаштириш оромгоҳлари

“OQ KABUTAR” оромгоҳи 7-14 ёшли болалар учун ёзги соғломлаштириш оромгоҳи бўлиб, Тўрткўл шаҳридан 14 км ва шаҳар чеккасида экологик тоза ҳудудда жойлашган. Кўп йиллик чинорлар билан тўлдирилган 3.05 гектар майдон ажойиб дам олиш учун қулай муҳит яратади.

Турар жойлар қулайликларга эга, 2-8 кишилик шинам хоналардан иборат. Овқатланиш хонасида кунига 5 та мазали ва фойдали таомлар таклиф этилади. Ҳудудда хавфсизликни таъминлаш учун видео кузатув тизимлари ўрнатилган ва Ички ишлар, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин. Футбол, волейбол майдончалари болалар учун тайёр. Ундан ташқари Хива шаҳрига ва бошқа диққатга сазовор обидаларни кўриш учун саёҳатлар ташкил қилинади.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар ва театр  актёрлари иштирокида қизикарли тадбирлар тайёрланади.

“OQ KABUTAR” оромгоҳимизда болаларнинг мароқли дам олишлари учун барча шарт шароитлар яратилган, хусусан, малакали ва ўз касбнинг фидойилари,  тарбиячи ва етакчилар болалар билан бирга ажойиб, бир биридан қизиқарли маданий ва маънавий тадбирларни ўтказишга шай. Албатта, оромгоҳда турли тўгараклар, сув ҳовузлари, болалар ўйингоҳи, футбол майдончаси, шу билан бирга маданий тадбирлар учун зарур бўладиган барча жиҳозлар билан етарли даражада таъминланган.

Сменалар 1 июндан 31 августгача бўлган 12 кунлик дастур асосида ташкиллаштирилади.

Ёзни унутилмас онглар билан ўтказишни истасангиз, албатта бизнинг оромгоҳимизни танланг! Биз Сизни кутамиз!