Ўзбекистон Республикасининг болалар соғломлаштириш оромгоҳлари

Қорақалпоғистон Республикаси, Нукус шаҳридаги  “TURON” оромгоҳи  шаҳардан чекка ҳудудда гўзал ва дарахтларга бой ҳудудда жойлашган бўлиб, 7-14 ёшли болалар учун ажойиб дам олиш ва соғломлаштириш имкониятини беради.

“Турон” оромгоҳи 7-14 ёшли болалар учун ёзги соғломлаштириш оромгоҳи бўлиб, Нукус шаҳри марказидан 13 км узоқликда, шаҳар чеккасида экологик тоза ҳудудда жойлашган. Кўп йиллик чинорлар билан тўлдирилган 2,8 гектар майдон ажойиб дам олиш учун қулай муҳит яратади.

Турар жойлар ёзги чердаклар остида, ёз мавсумида  салқин бўладиган қулайликларга эга. Овқатланиш хонасида намуна таомнома асосида, аутсорсинг хизмати томонидан кунига 5 маҳал мазали ва бир биридан фойдали таомлар таклиф этилади. Ҳудудда хавфсизликни таъминлаш учун видео-кузатув тизимлари ўрнатилган, Ички ишлар, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилиги ташкил қилиниши белгиланган.

“TURON” ёзги соғломлаштириш оромгоҳи болалар учун қизиқарли тадбирларни  таклиф этади, шу билан бирга спорт мусобақалар, ҳунармандчилик машғулотлари, заковат ўйинлари ва ижодий, маданий томошалар ташкил этилади. Тажрибали ва меҳридарё тарбиячи ва етакчиларимиз болалар учун ўз имкониятларини ривожлантиришлари, янги дўстлар орттириб, янги ижтимоий муҳитга тез мослашиш қобилиятини ва унутилмас лаҳзаларни жамоа билан биргаликда яратишлари мумкин бўлган бир биридан қизиқарли ҳаракатли ўйинлар ва кечалар ташкил этилиб борилади.  Ажойиб хотиралари билан эсда қоладиган ёзги мавсумни  биз билан ўтказинг!

Сменалар 1 июндан 31 августгача бўлган 12 кунлик дастур асосида ташкиллаштирилади.

Ёзни унутилмас ўнглар билан ўтказишни истасангиз, албатта бизнинг оромгоҳимизни танланг! Биз Сизни кутамиз