Ўзбекистон Республикасининг болалар соғломлаштириш оромгоҳлари

“AMUDARYO” болалар соғломлаштириш  оромгоҳи 7-14 ёшли болалар учун ёзги соғломлаштириш оромгоҳи бўлиб, Термиз шаҳрининг чеккасида,  Сурхондарё дарёсининг  бўйида жойлашган. Мевали ва манзарали дарахтлар, турли-туман  анвойи гуллар билан  ўралган   7 гектар майдон ажойиб дам олиш учун қулай муҳит яратади.

Турар жойлар қулайликларга эга, 2-4 кишилик шинам хоналардан иборат. Овқатланиш ошхонасида кунига 5 маҳал мазали ва фойдали таомлар таклиф этилади. Ҳудудда хавфсизликни таъминлаш учун видео-кузатув тизимлари ўрнатилган ва Ички ишлар, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Жамоамиздаги  етакчи ва тарбиячилар имтиҳон асосида  ишга қабул қилинган бўлиб, оптимист, ўз ишига масъулият билан ёндашиши билан бирга рус ва инглиз тилларини мукаммал биладиган ёш ва серғайрат кадрлардан иборат бўлиб, улар   ҳар куни  болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: компьютер саводхонлиги, робот-техника, миллий ҳунармандчилик,    ўғил болаларга сартарошлик , косибчилик, қиз болаларга  каштачилик, тўқувчилик, қандолатчилик ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин. Шаҳар атрофидаги кўнгилочар ва зиёратгоҳ жойларга экскурсиялар уюштирилади.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги амфитеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Сизни “AMUDARYO” болалар соғломлаштириш  оромгоҳи да ёзги саргузаштда кутамиз! Сменалар 1 июндан 31 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз