Ўзбекистон Республикасининг болалар соғломлаштириш оромгоҳлари

“BESHBULOQ”  болалар соғломлаштириш оромгоҳи 7-14 ёшли болалар учун ёзги соғломлаштириш оромгоҳи бўлиб, Термиз шаҳридан 94 км узоқликда ва Шеробод туманидаги  тоғлари ён бағрида экологик тоза ҳудудда жойлашган. Кўп асрлик дарахтлар ва ўзидан нафас йўллари учун тоза кислородларга бой арчалар билан тўлдирилган 2.5 гектар майдон ажойиб дам олиш учун қулай муҳит яратади.

Турар жойлар қулайликларга эга, оромгоҳда 3 та болажонлар учун ётоқхона бинолари мавжуд бўлиб, биноларга 10 нафар кишилик шинам хоналардан иборат. Овқатланиш хонасида кунига 5 та мазали ва фойдали таомлар таклиф этилади. Ҳудудда хавфсизликни таъминлаш учун видео-кузатув тизимлари ўрнатилган ва Ички ишлар, Миллий гвардия ва фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, шахмат-шашка, бадминтон ва футбол билан шуғулланишлари мумкин.

Дам олувчиларнинг ихтиёрида концертлар ва спектакллар, ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Сизни “BESHBULOQ” болалар соғломлаштириш оромгоҳида ёзги саргузаштда кутамиз! Сменалар 10 июндан 06 августгача бўлган 12 кунлик дастур асосида ташкиллаштирилади. Биз болажонларни оромгоҳимизда кутамиз