Ўзбекистон Республикасининг болалар соғломлаштириш оромгоҳлари

"GEOLOG"  оромгоҳи 7-14 ёшли болалар учун ёзги соғломлаштириш оромгоҳи бўлиб, Тошкентдан 85 км узоқликда, тоғлар этагидаги экологик тоза ҳудудда жойлашган. Атрофда арча ёнғоқ, дўлана, олча ва бошқа кўплаб ёввойи дарахтлари тарқалган баланд тоғ қияликлари  13.8 гектар майдон ажойиб дам олиш учун қулай муҳит яратади. Турар жойлар қулайликларга эга 30-36 кишилик шинам хоналардан иборат. Овқатланиш хонасида кунига  5 маҳал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ва Ички ишлар вазирлиги, Миллий гвардия ва Фавқулотта вазият вазирлиги ҳодимлари туну-кун болалар хавфсизлиги учун навбатчилик қилишади. Оромгоҳ ҳудудида чўмилиш ҳавзаси, концерт зали, болалар майдончаси, футбол, баскетбол ва волейбол майдонлари мавжуд. Бу ерда ҳар йили болалар учун қизиқарли маданий ва спорт тадбирлари ўтказилади, тоғларга саёҳатлар ташкил этилади. Шунингдек, кўп сонли турли йўналишдаги тўгараклар болаларга хизмат қилади. Болажонларга ўзларига ёқадиган машғулотни танлаш имконияти берилади, яъни, гуллар ясаш, мунчоқ тикиш, актёрлик маҳоратидан дастлабки сабоқлар олиш, ёғочни куйдириб расм чизиш, кулолчилик бўйича ўз истеъдодларини ривожлантиришлари мумкин бўлади. Оромгоҳда дам олувчи болалар  доимий равишда педагогик тажриба ва билимга эга ходимлар  назоратида бўладилар.

Шундай экан, азиз болажонларимизни "GEOLOG" болалар соғломлаштириш оромгоҳида кутиб қоламиз!