Ўзбекистон Республикасининг болалар соғломлаштириш оромгоҳлари

“АFSONA” оромгоҳи 7-14 ёшли болалар учун ёзги соғломлаштириш оромгоҳи бўлиб, Тошкентдан 60 км узоқликда, тоғлар этагидаги экологик тоза ҳудудда жойлашган. Кўп йиллик манзарали ва мевали дарахтлар билан тўлдирилган 6,2 гектар майдон ажойиб дам олиш учун қулай муҳит яратади.

Турар жойлар барча қулайликларга эга  8-10 кишилик шинам хоналардан иборат. Овқатланиш хонасида кунига 5 маҳал мазали ва фойдали таомлар тортиқ этилади. Ҳудудда хавфсизликни таъминлаш учун видеокузатув тизимлари ўрнатилган ва Ички ишлар вазирлиги, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, робототехника, қўл санъатлари ва бошқалар. Спорт ихлосмандлари бизнинг спорт майдончаларимизда стол тенниси, волейбол, баскетбол, футбол билан шуғулланишлари мумкин. Пиёда юриш учун оромгоҳ ҳудудида қулай шароитларга эга йўлаклар мавжуд.

Дам олувчилар учун концертлар ва спектакллар ташкил этилиб, уларнинг ихтиёрида ўйин ва спорт майдончалари, ёзги кинотеатри, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

Биз сизни “АFSONA” оромгохида  ёзги саргузаштларда кутамиз! Сменалар 7 июндан 13 августгача бўлган 12 кунлик дастур асосида ташкиллаштирилади. Биз болажонларни , оромгоҳимизда кутамиз!