Ўзбекистон Республикасининг болалар соғломлаштириш оромгоҳлари

Мавсум давомида  шахсий ўсиш, соғликни мустаҳкамлаш, жамият ҳаётига мослашув учун мақбул шароитларни яратиш, спорт ўйинлари, танлов, мусобақалар, сайёҳлик юришлари, экологик сайрлар орқали болалар ва ўсмирларнинг мазмунли дам олишини ташкил этишга қаратилган бўлиши керак.

Оромгоҳнинг вазифалари:

1. Болаларни турли хилдаги ижодга жалб этиш, фойдали кўникмаларни шакллантириш, ташаббус, ўз-ўзини бошқариш ва мустақилликни ривожлантиришнинг янги шаклларини излашга;

 2. Болалар ва ўсмирларнинг бандлиги, дам олиши ва соғломлаштирилишини ташкил этиш;

3. Болаларнинг психологик ва жисмоний соғликларини мустаҳкамлашга кўмаклашувчи;

4. Болаларда мустақил ишлаш кўникмаларини шакллантириш;

5. Ахлоқий ва ирода сифатларини тарбиялаш;

6. Соғломлаштиришнинг ноанъанавий усуллари билан таништириш;

Оромгоҳдаги тўгарак ва секцияларда машғулотлар гуруҳнинг ўқув-тарбиявий ишларининг асосий қисми ҳисобланади.

Оромгоҳ Шаҳрисабз туманининг тоғли Мираки шаҳарчаси  Ҳисорак сув омбори яқинидаги  хуш манзарали ва сайёҳлик маркази ташкил қилинаётган ҳудудда жойлашган.  Ҳудуд баҳаво дарёлар ва манзарали дарахтлар билан ўралган. Оромгоҳнинг болалар учун мўлжалланган ётоқхоналарининг ички қисмида душ, туалет мавжуд. Болаларнинг мириқиб дам олиши учун барча  қулайликлар яратилган.

Оромгоҳ 2005 йилдан 560 нафар болага мўлжалланиб,  ўз фаолиятини бошлаган. 2008 йилда қўшимча 80 ўринлик болалар ётоқхонаси, 2009 йилда 160 ўринлик “Пирамида” ва 180 ўринлик “Корабль” номли болалар ётоқхоналари қурилиб оромгоҳ ошхонаси қайта таъмирланиб, 1000 ўринлик болалар оромгоҳига айлантирилган. "LOCHIN" болалар дам олиш оромгоҳи ёзги мавсумда 4000 нафар болажонларни дам олдириш қувватига эга. Мана 15 йилдирки "LOCHIN" болалар дам олиш оромгоҳи Республика оромгоҳлари ўртасида “Энг намунали оромгоҳ” номинацияси бўйича ғолибликни қўлга киритиб келмоқда.

Биз 2024 йил ёзги болаларни соғломлаштириш мавсумда азиз болажонларимизни оромгоҳимизда кутиб қоламиз